అధ్యయనం: రోజుకు 3 కప్పుల కాఫీతో ’ఆరోగ్యానికి మేలు జరగొచ్చు.
పరిమితంగా కాఫీ సేవించడం సురక్షితమే అని బ్రిటిష్ మెడికల్ జర్నల్ నివేదిక తెలిపింది. రోజుకు 3-4 కప్పుల కాఫీ వల్ల కొన్ని ఆరోగ్యపరమైన లాభాలు ఉంటాయని ఈ నివేదిక పేర్కొంది.
కాఫీ తాగే వాళ్లకు కాలేయ వ్యాధులు, కొన్ని రకాల క్యాన్సర్లు, గుండెపోటు వచ్చే అవకాశం తక్కువని ఈ నివేదిక తెలిపింది. అయితే దానికి కాఫీయే కారణమని మాత్రం నిరూపణ కాలేదు.
గర్భంతో ఉన్నవారు కాఫీ ఎక్కువగా తాగడం హానికరమని కూడా నివేదిక తేల్చింది.
యూనివర్సిటీ ఆఫ్ సౌతాంప్టన్ సైంటిస్టులు మానవ శరీరంలోని అన్ని అంశాలపై కాఫీ ప్రభావం గురించి పరిశోధన చేపట్టారు. దానిలో భాగంగా, 200కు పైగా పరిశోధనల నుంచి గణాంకాలు సేకరించారు.
కాఫీ తాగని వారితో పోలిస్తే, రోజుకు మూడు కప్పుల వరకు కాఫీ తాగే వారికి గుండెపోటు వచ్చే అవకాశం కానీ, దాని వల్ల మరణించే అవకాశం కానీ తక్కువని ఈ గణాంకాల వల్ల తెలుస్తోంది.
.png)
