పోషకాల నిధులు, ఆరోగ్య వరాలు - చిరుధాన్యాలు

 పోషకాల నిధులు, ఆరోగ్య వరాలు - చిరుధాన్యాలు

• తాతల ఆరోగ్య రహస్యం - చిరుధాన్యాల వాడకం

• సామన్నం నోటిన పెట్టు - వరన్నం పక్కన పెట్టు

• సామపాయసం నోరూరించు - చోడి అంబలి ఆకలి తగ్గించు

• చోళ్లు తిందాం - రక్తహీనతకు దూరంగా ఉందాం

• బడి పిల్లలకు చిరుధాన్యాలు - బుద్ధి, బలాన్ని పెంచే చక్కని మార్గాలు

చోడి/రాగి:

◾ఇందులో ఉండే కాల్షియం దంతాలను, ఎముకలను బలంగా ఉంచుతుంది.

◾ఎదిగే వయసులో ఎముకలు బలంగా ఉండడానికి, శరీరం అంతటికీ ఆక్సిజన్ అందడానికీ కాల్షియం, ఇనుము కీలకం,

◾ఒక గ్లాసు చోడి/రాగి జావలో ఉండే కాల్షియం రెండున్నర గ్లాసుల పాలలో ఉండే కాల్షియంతో సమానం.

◾బాలింతలకు, గర్భిణులకు కాల్షియం చాలా అవసరం.

వరితో పోలిస్తే రాగులు/చోళ్లలో కాల్షియం 34 రెట్లు, ఖనిజ లవణాలు 4.5 రెట్లు, పీచు పదార్దాలు 18 రెట్లు, ఇనుము 5.5 రెట్లు అధికంగా ఉంటాయి.

సామలు:

◾సామలలో పీచు పదార్ధాలు ఎక్కువగా ఉండడం వల్ల ఆహారం మెల్లగా జీర్ణమవుతుంది.

◾ఎక్కువ సమయం పని చేసేందుకు శక్తినిస్తుంది.

◾అధికంగా ఉండే ఇనుము, ఫోలిక్ ఆమ్లము రక్త పుష్టిని కలిగిస్తాయి.

◾చక్కెర వ్యాధిగ్రస్తులకు ఎంతో మంచి ఆహారం.

వరితో పోలిస్తే సామలలో పీచు పదార్థాలు 38 రెట్లు, ఇనుము 13 రెట్లు, థయామిన్ 5 రెట్లు, ఖనిజ లవణాలు, జింక్ 2.5 రెట్లు అధికంగా ఉంటాయి.

కొర్రలు:

◾ప్రోటీన్లు ఎక్కువగా ఉండడం వల్ల ఎదుగుదల బాగా ఉంటుంది.

◾ఎదిగే పిల్లలకు, గర్భిణీ స్త్రీలకు మంచి ఆహారం.

◾ప్రోటీన్లు, పీచు పదార్థాలు అధికంగా ఉంటాయి కనుక చక్కెర వ్యాధిగ్రస్తులకు ఇది మంచి ఆహారం.

వరితో పోలిస్తే కొర్రల్లో 65 రెట్లు, మాంసకృత్తులు, పీచు పదార్ధాలు 40 రెట్లు, ఖనిజ లవణాలు, జింక్ 5.5 రెట్లు, ఇనుము 4 రెట్లు, కాల్షియం. విటమిన్ బి1 దాదాపు 10 రెట్లు, అధికంగా ఉంటాయి.

సజ్జలు(గంటెలు):

◾ఆహారం రుచిగా ఉంటుంది.

◾వీటిలోని పోషకాలు ఆహారాన్ని ఇంధనంగా మార్చి, రోజంతా శరీరం చురుకుగా ఉండేలా చేస్తాయి.

◾అధికంగా ఉండే ఇనుము, ఫోలిక్ ఆమ్లము రక్తపుష్టిని కలిగిస్తాయి.

◾ఫైటిక్ ఆమ్లము, నయసిన్లు చెడు కొలెస్ట్రాల్ను నియంత్రిస్తాయి.

వరితో పోలిస్తే గంటెల్లో పీచు పదార్ధాలు 6 రెట్లు, ఇనుము 11 రెట్లు, ఫోలిక్ ఆమ్లం 5.5 రెట్లు, థయామిన్ 5 రెట్లు, ఖనిజ లవణాలు, జింక్ 2.5 రెట్లు అధికంగా ఉంటాయి.

జొన్నలు:

◾మాంసకృత్తులు, పీచు పదార్థాలు అధికంగా ఉన్నందున చక్కెర వ్యాధిగ్రస్తులకు ఇది మంచి ఆహారం.

◾చెడు కొలెస్ట్రాల్ను నియంత్రించి, గుండెకు ఆరోగ్యాన్నిస్తుంది.

◾కొన్ని రకాల పండ్లు, ధాన్యాలతో పోలిస్తే యాంటీ ఆక్సిడెంట్లు అధికంగా ఉండుట వలన కాన్సర్ను అడ్డుకొనుటలో ఉపయోగ పడుతుంది.

వరితో పోలిస్తే జొన్నల్లో పీచు పదార్ధాలు 7 రెట్లు, మాంసకృత్తులు 46ట్లు, ఇనుము 13 రెట్లు, ఖనిజ లవణాలు 2 రెట్లు అధికంగా ఉంటాయి.