జిడ్డు సమస్య బాధిస్తుందా...!

 జిడ్డు సమస్య బాధిస్తుందా...!

కాలం ఏదయినా చర్మం జిడ్డుగానే కనిపిస్తుంటుంది కొందరికి. ఇలాంటివారు ఎన్ని రకాల క్రీములు రాసుకున్నా సరే ముఖంపై జిడ్డు పేరుకుని అలంకరణ చేసుకున్న తక్కువ సమ యంలోనే మళ్లీ నిర్జీవంగా మారుతుంది. ఈ సమస్యకి పరిష్కారంగా ఇంట్లోనే కొన్ని నియమాలు పాటిస్తే సరిపోతుంది.

పసుపు: దీనిలో యాంటీ ఫంగల్, యాంటీ ఇన్ఫ్లమేటరీ గుణాలు ఎక్కువ. ఇవి జిడ్డు తత్వాన్ని దూరం చేస్తాయి. ప్రతిరోజూ రాత్రి పూట చెంచా పసుపులో కొన్ని పాలు పోసి... మెత్తగా ముద్దలా చేసుకోవాలి. ఈ మిశ్రమాన్ని ముఖం, మెడకు రాసుకో వాలి. పావుగంటయ్యాక కడిగేస్తే ముఖంపై పేరుకున్న జిడ్డు తొలగిపోతుంది.

వంట సోడా: చెంచా నిమ్మరసంలో అరచెంచా బేకింగ్ సోడా, కాస్త నిమ్మరసం కల పాలి. మొటిమలూ, యాక్నె సమస్య ఉన్న చోట... ఈ మిశ్రమాన్ని పూతలా వేయాలి. కాసేపయ్యాక తడిచేత్తో మర్దన చేసి ఆ పూతను తొలగించాలి. ఇలా చేయడం వల్ల మృతకణాలు తొలగిపోతాయి. మొటిమలు కూడా తగ్గుముఖం పడతాయి. నూనె గ్రంథులు మూసుకుపోతాయి. జిడ్డు సమస్య తగ్గుతుంది.

నిమ్మరసం: జిడ్డు చర్మతత్వం ఉన్నవారికి నిమ్మరసం చక్కగా పనిచేస్తుంది. నిమ్మరసంలో కాసిని నీళ్లు కలిసి అందులో దూదిని ఉండలుగా చేసి వేయాలి. కాసేపు ఆ ఉండల్ని ఫ్రిజ్లో ఉంచి ముఖాన్ని శుభ్రం చేసు కోవాలి. ఇలా చేయడం వల్ల చర్మంపై మురికి తొలగిపోయి శుభ్రపడుతుంది. తేమ అందుతుంది. జిడ్డు కూడా పేరుకోకుండా ఉంటుంది.

ఉప్పు: స్ప్రే సీసాలో నీళ్లు తీసుకుని అందులో చెంచా ఉప్పు వేయాలి. ముఖం మీద ఆ నీటిని తరచూ స్ప్రే చేసుకుంటూ తుడుచుకోవాలి. కళ్లపై మాత్రం ఆ స్ప్రే పడకుండా చూసుకోవాలి. ఈ నీళ్ల వల్ల జిడ్డు సమస్య క్రమంగా తగ్గుముఖం పడుతుంది.

మొక్కజొన్న పిండి: ముఖం కడుక్కున్న వెంటనే మొక్కజొన్న పిండిలో నీళ్లు కలిపి ముఖానికి పూతలా వేసుకోవాలి. పదిహేను నిమిషాల తరవాత కడిగే సుకోవాలి. ఈ పిండి అదనంగా పేరుకున్న జిడ్డును తొలగి స్తుంది. ఈ పూత వేసుకున్నాక మేకప్ వేసుకున్నా ఎక్కువ సమయం తాజాగా కనిపిస్తారు.

టమాటోలు: విటమిన్ సి, సిట్రిక్ యాసిడ్ అధికంగా లభించే వాటిల్లో టొమాటో ఒకటి. జిడ్డు చర్మతత్వం ఉన్నవారు టొమాటో ముక్కతో ముఖంపై మర్దన చేసు కోవాలి. పావుగంటయ్యాక చల్లటి నీళ్లతో కడిగేస్తే చర్మం తాజాగా మారుతుంది. జిడ్డు తొలగిపోతుంది.