తనుమలయన్ ఆలయం - తమిళనాడు

 తనుమలయన్ ఆలయం - తమిళనాడు

తమిళనాడులోని కన్యాకుమారికి 10 కిలోమీటర్ల దూరంలో  " సుచీంద్రం " అనే ఊరిలో ఉన్న " తనుమలయన్ ఆలయం " భారతీయ శిల్పకళా వైభవానికి ఓ మచ్చుతునక!

◆ చోళ రాజులచేత నిర్మించబడిన ఈ ఆలయం యొక్క ప్రధాన గోపురం ఎత్తు 134 అడుగులు.  అంత ఎత్తున్న ఈ ఆలయ ప్రధాన గోపురంపై ఒక లక్షకి పైగా శిల్పాలున్నాయంటే అది అతిశయోక్తి మాట కాదు.

◆ గౌతమ మహర్షి శాపం నుండి ఇంద్రుడు విముక్తి పొందడానికై త్రిమూర్తులను ఏక లింగంపై ప్రతిష్టించి కొలిచిన ప్రదేశం ఇదని పురాణకధనం.

◆ ఈ ఆలయంలోని అలంకార మండపంలో ముట్టుకుంటే సంగీతం వినిపించే సంగీత స్థంభాలు ఉన్నాయి. ఒక్కో స్థంభం ఒక్కో విధంగా ధ్వనించడం ఇక్కడి విశేషం.

◆ ఆలయం వెలుపల పద్దెనిమిది అడుగుల ఎత్తు రాతి హనుమంతుని విగ్రహం మనకు కనిపిస్తుంది. 

ఇలా అనేక విశేషాలతో నిండి ఉన్న ఈ ఆలయం తమిళనాడులో తప్పకుండా చూడవలసిన ఆలయాలలో ఒకటి.