గ్యాస్ట్రిక్ నొప్పి మరియు గుండెనొప్పి: ఈ రెండిటికీ మధ్య తేడా ఎలా తెలుసుకోవాలి ? దీనికి ప్రథమ చికిత్స ఏమిటి ?

గ్యాస్ట్రిక్ నొప్పి మరియు గుండెనొప్పి: ఈ రెండిటికీ మధ్య తేడా ఎలా తెలుసుకోవాలి ? దీనికి ప్రథమ చికిత్స ఏమిటి ?

గ్యాస్ట్రిక్ నొప్పి మరియు గుండెనొప్పి రెండూ ఛాతీలో నొప్పిని కలిగిస్తూ ఒకేలా అనిపిస్తాయి. కానీ ఈ రెండు రకాల నొప్పుల మధ్య కొన్ని ముఖ్యమైన తేడాలను బట్టి తెలుసుకోవచ్చు.

నొప్పి యొక్క స్థానం: గ్యాస్ట్రిక్ నొప్పి సాధారణంగా ఎగువ కడుపులో లేదా ఛాతీ మధ్యలో అనిపిస్తుంది. గుండెనొప్పి సాధారణంగా ఛాతీ ఎడమ వైపున, భుజం, మెడ, దవడ లేదా చేతిలో అనిపిస్తుంది.

నొప్పి యొక్క స్వభావం: గ్యాస్ట్రిక్ నొప్పి సాధారణంగా తీవ్రంగా ఉంటుంది, కడుపు ఉబ్బరం, మంట, వికారం, వాంతులు వంటి లక్షణాలతో కూడి ఉంటుంది. గుండెనొప్పి సాధారణంగా ఒత్తిడి, బిగుతు, చిక్కుకున్న భావన వంటి లక్షణాలతో కూడి ఉంటుంది.

నొప్పి యొక్క వ్యవధి: గ్యాస్ట్రిక్ నొప్పి సాధారణంగా కొన్ని నిమిషాల నుండి గంటల వరకు ఉంటుంది. గుండెనొప్పి సాధారణంగా కొన్ని నిమిషాల నుండి 20 నిమిషాల వరకు ఉంటుంది.

నొప్పిని ప్రేరేపించే అంశాలు: గ్యాస్ట్రిక్ నొప్పి సాధారణంగా కారంగా ఉండే ఆహారం, కెఫిన్, ఆల్కహాల్, పొగత్రాగడం వంటి కారకాల వల్ల ప్రేరేపించబడుతుంది. గుండెనొప్పి సాధారణంగా శారీరక శ్రమ, ఒత్తిడి, చలి వంటి కారకాల వల్ల ప్రేరేపించబడుతుంది.

నొప్పిని తగ్గించే ప్రధమ చికిత్స: గ్యాస్ట్రిక్ నొప్పి సాధారణంగా యాంటాసిడ్స్, డైజెస్టివ్ ఎంజైములు, కడుపు ఖాళీగా ఉంచడం వంటి చికిత్సలతో తగ్గుతుంది. గుండెనొప్పి సాధారణంగా నైట్రోగ్లిజరిన్, ఆస్పిరిన్, విశ్రాంతి వంటి చికిత్సలతో తగ్గుతుంది.

ఏ నొప్పి అని నిర్ధారించే కొన్ని చిట్కాలు:

🔹మీ నొప్పి ఎక్కడ ఉందో గమనించండి.

🔹మీ నొప్పి ఎలా ఉందో గమనించండి.

🔹మీ నొప్పి ఎంతసేపు ఉంటుందో గమనించండి.

🔹మీ నొప్పిని ఏది ప్రేరేపిస్తుందో గమనించండి.

🔹మీ నొప్పిని ఏది తగ్గిస్తుందో గమనించండి.

గ్యాస్ట్రిక్ సమస్యలు రావడానికి మూల కారణం ఏంటో తెలుసా ?

• ఆహారం తీసుకునేటప్పుడు సరిగా నమల కుండా మింగడం వల్ల లేదా గాలిని మింగడం వలన ,

• ఆహారం తీసుకున్న వెంటనే ఎక్కువ మంచినీరు తీసుకోవడం వలన,

• సల్ఫర్ ను కలిగిన ఆహార పదార్థాలు - వెల్లుల్లి, కాబేజీ, కాలిఫ్లవర్ , పాల ఉత్పత్తులు తీసుకోవడం వలన,

• ప్రేగులలో కొన్ని రకాల ఇన్ఫెక్షన్లల వలన/ చెడు బాక్టరీయా వలన / కొన్ని టాబ్లెట్ ల వలన,

• కొన్నిసార్లు స్ట్రెస్ / మానసిక ఒత్తిడి వల్ల కూడా త్రేన్పులు వచ్చే అవకాశం ఉంది.

దీన్ని ఇంట్లోనే సులువుగా తగ్గించుకునే అవకాశం ఉంది.

• ఆహారాన్ని నెమ్మదిగా నమిలి తినాలి. ఆహారం తినడానికి అరగంట ముందు, ఆహారం తీసుకున్న అరగంట తరువాత మంచినీరు త్రాగడం మంచిది.

• ఆహారంలో వాము, సోంపు, గ్రీన్ టీ చేర్చడం వలన జీర్ణ క్రియ సజావుగా జరుగుతుంది.

• తాజా అల్లం/ అల్లం టీ , తేనె , పసుపు జీర్ణక్రియ ను వేగవంతం చేస్తుంది.

• తాజా పండ్లు, కురాగాయలు, ఆకు కూరలు , పెరుగు, మజ్జిగ , ఇడ్లీ, దోసె (పులిసిన పదార్థాలు) తీసుకోవడం వల్ల ప్రేగులలో మంచి బక్టరీయా వృద్ధి చెందుతుంది.

• మసాలా కూరలు, వేపుళ్లు తగ్గించాలి. కూల్ డ్రింక్స్, ఆల్కహాల్ తీసుకోవడం తగ్గించాలి.

• యోగా, ప్రాణాయామం, వాకింగ్ ను మన జీవితంలో భాగస్వామ్యం చేసుకుని మానసిక ఒత్తిడి తగ్గించుకోవాలి.

• నిదురించే / విశ్రాంతి తీసుకునే టపుడు ఎడమ వైపు తిరిగి పడుకోవడం వలన ఉపయోగకరంగా ఉంటుంది.

ఇంటి చిట్కా…

◾మంచి మట్టి పాత్రలో రెండు స్పూన్లు అన్నం వేసి, అది మునిగే వరకు మజ్జిగ లేదా మంచినీరు పోసి ఒక రాత్రి అంతా పులవ పెట్టండి.

◾మరునాడు ఉదయం ఖాళీ కడుపుతో దీనిని తీసుకోండి. పొట్టలో మంచి బాక్టీరియా వృధి చెందుతుంది. గ్యాస్ట్రిక్, ఆసిడీటీ సమస్యలు 90 శాతం వరకు నివారిస్తుంది.