GET MORE DETAILS

ఈ ఆయుర్వేద మందులతో రోగనిరోధక శక్తి.

 ఈ ఆయుర్వేద మందులతో రోగనిరోధక శక్తి.



రోగనిరోధక శక్తి కోసం వైద్యుల సూచనలు లేకుండా ఏది పడితే అవి వాడరాదు. అయితే, ఆయుర్వేద మందులను తీసుకోవడం ద్వారా సైడ్ ఎఫెక్టులు లేకుండానే ఇమ్యునిటీ పెంచుకోవచ్చని డా. మహర్షి సూచిస్తున్నారు.

ఎండ తీవ్రత నేపథ్యంలో అంతా రోగనిరోధక శక్తిని పెంచుకోవడంపై దృష్టిపెడుతున్నారు. వైరస్‌తో పోరాడేందుకు అవసరమైన శక్తిని కూడగట్టుకునేందుకు ప్రయత్నిస్తున్నారు. మన ఆయుర్వేద మందుల గొప్పతనాన్ని తెలియజేసింది. అయితే, ఆయుర్వేదంలో అలాంటి మందులు ఎప్పటి నుంచో ఉన్నాయనే సంగతి చాలామందికి తెలియదు. ముఖ్యంగా శరీరంలో రోగనిరోధక శక్తిని పెంచే ఆయుర్వేద మందులు చాలానే ఉన్నాయి. సైడ్ ఎఫెక్ట్స్ కలుగుతాయనే భయం లేకుండానే ఈ మందులను వాడొచ్చని ఢిల్లీ ఎంసీడీ ఆయుష్ విభాగం చీఫ్ మెడికల్ ఆఫీసర్, ప్రముఖ ఆయుర్వేద నిపుణులు డాక్టర్ కామేశ్వరరావు తెలిపారు. ఈ సందర్భంగా ఆయుర్వేదంలో రోగనిరోధక శక్తిని అందించే దివ్యౌషదాల గురించి ‘సమయం తెలుగు’కు తెలియజేశారు. ఆ వివరాలు ఆయన మాటల్లోనే...

రోగనిరోధక శక్తి శరీరంలో సహజంగా ఏర్పడాలి. ఆయుర్వేదంలోని కొన్ని మందులను నిత్యం ఉపయోగించడం ద్వారా ఇమ్యునిటీని పెంచుకోవచ్చు. అవి శరీరానికి ఎలాంటి హానీ చేయవు. విటమిన్లు, మినరల్స్ గురించి తెలియని రోజుల్లో మన పూర్వికులు.. ఆయుర్వేదంలోని కొన్ని మందులను ‘దాతువులు’గా పేర్కొనేవారు. అవి శరీరంలో ఉండే అన్నిరకాల సమస్యలను పరిష్కరించి ఆరోగ్యాన్ని అందించేవి.

 తిప్పతీగ మంచిదే ఇటీవల గుడూచీని వాడుతున్నారు. దీన్ని గిలోయ్ అని కూడా అంటారు. తెలుగులో తిప్పతీగ అని పిలుస్తారు. తిప్పతీగ వేరును కట్ చేసినా.. మళ్లీ పెరిగిపోతుంది. అందువల్ల పూర్వికులు దాన్ని ‘అమృత’గా భావించేవారు. అందుకే దాన్ని మనుషుల మీద ప్రయోగించారు. దీన్ని ‘జ్వరహరం’గా ఉపయోగించేవారు. అంటే జ్వరం వచ్చినప్పుడు మందులకు బదులు తిప్పతీగ కషాయాన్ని తాగించేవారు. ఇది శరీరంలోని వేడిని తగ్గిస్తుంది. దీన్ని రెగ్యులర్‌గా ఉపయోగివచ్చు. ప్రభుత్వం ఆమోదించిన ఆయుర్వేద ఔషదాల్లో ఇది కూడా ఉంది. దీన్ని కరోనా నుంచి రక్షణగా ఉపయోగించవచ్చు. అయితే, ఇది కరోనా వైరస్‌ను నివారించదు. తిప్పతీగ ఫౌడర్ లేదా మాత్రల రూపంలో లభిస్తాయి.

చైనాలోనూ ఆయుర్వేదమే: తిప్పతీగ (గిలోయి లేదా గుడూచీ)తోపాటు అశ్వగంధ, అతి మధురం, నేల వేము కూడా రోగనిరోధక శక్తిని పెంచుతాయి. అతి మధుర కూడా మాత్రలు, ఫౌడర్ రూపంలో దొరుకుతుంది.  దీన్ని మనం ‘అతి మధురం’ అని పిలుస్తాం. ఇది ఊపిరితీత్తుల్లోని కఫాన్ని తొలగిస్తుంది. కాబట్టి దీన్ని రోజుకో మాత్ర చొప్పున తీసుకోవచ్చు.

ఇవి కూడా బాగా పనిచేస్తాయ్: ఇవి కాకుండా ఆయుష్.. ప్రత్యేకంగా ‘ఆయుష్ కధా’ (Ayush Kadha) తయారు చేశారు. దాల్చిన చెక్క, మిరియాలు, సొంఠితో దీన్ని రూపొందించారు.

 వేడి చేసే గుణం గల ఈ కషాయంలో యాంటీ వైరల్ ప్రాపర్టీస్ ఉంటాయి. అయితే, దీన్నే తమిళనాడుకు సిద్ధ వైద్యులు.. ‘కబాసుర కుదినీర్’ (Kabasura Kudineer) పేరుతో తయారుచేశారు. ఇది ఆయుష్ కధా కంటే ప్రభావంతంగా పనిచేస్తుంది. రోజూ అశ్వగంధ, తిప్పతీగ, అతి మధురం మాత్రలు తీసుకుంటూ.

 కబాసుర కుదీనీర్ కషాయాన్ని రోజు విడిచి రోజు తీసుకోవచ్చు. ఒక టేబుల్ స్పూన్ కషాయంలో 200 ఎంఎల్ నీరు కలిపి.. బాగా మరిగించిన తర్వాత ఉదయం, సాయంత్రం వేళల్లో తీసుకోవాలి. ఇది కూడా ఇమ్యునిటీని పెంచుతుంది.

ఎక్కువ చేదు.. ఎక్కువ ప్రభావం: సైన్స్ డెవలప్ కాకముందు.. చేదుగా ఉండే దాతువులనే ఔషదాలుగా వాడేవారు. అశ్వగంధ, తిప్పతీగ, అతి మధురం, నేల వేము చాలా చేదుగా ఉంటాయి. అలాగే ఆనంద వాడుతున్న నేల ఉసిరి, గుంటగలగరాకులు కూడా చేదుగానే ఉంటాయి. చేదును ‘జ్వరహరం’గా భావిస్తారు. అంటే.. చేదుగా ఉండేవి జ్వరాన్ని త్వరగా తగ్గించి ఆరోగ్యాన్ని ఇస్తారు. వాటిని నాలుక మీద పెట్టుకోగానే శరీరంలోని ప్రతి భాగానికి వ్యాపిస్తుంది. 

మలేరియా మందుతో: ‘ఆయుష్ 64’ అనే ఆయుర్వేద మందును యాంటి మలేరియల్‌ డ్రగ్‌గా ఉపయోగించేవాళ్లం. కరోనా ప్రారంభంలో అలోపతిలో మలేరియా మందులు వాడారు. దీంతో ‘ఆయుష్ 64’ను కూడా కొంతమందిపై ప్రయోగించాం. ఇది మైల్డ్ నుంచి మోడరేట్ కేసులకు బాగా పనిచేస్తుంది. దీన్ని కూడా రోజుకు ఒక ట్యాబ్లెట్ చొప్పున వాడొచ్చు. ఇందులో వాడిన నేల వేము, సప్తపర్ణ (ఏడు ఆకులు ఉంటాయి) తదితర పదార్థాలు కూడా చేదుగా ఉండేవి. ఇవి యాంటీ వైరల్‌గా పనిచేస్తాయి. చేదుగా ఉండే మెంతులు కూడా వాడవచ్చని ఇటీవల కొంతమంది నిపుణులు చెబుతున్నారు. ఎందులో చూసినా చేదే ఔషదంగా పనిచేస్తుంది.

సైడ్ ఎఫెక్టులు ఉండవు: లివర్‌కు మేలుచేసే ప్రతి చేదు ఔషదం ఇమ్యునిటీని పెంచేవే. చేదు యాంటీ వైరల్, యాంటీమైక్రోబయల్‌గా పనిచేసి లివర్‌ను యాక్టీవ్ చేస్తుంది. కాబట్టి పైన చెప్పిన ఔషదాలను వైద్యుల సూచన మేరకు రోజుకు ఒకటి చొప్పున తీసుకోవచ్చు. ఇవి మీకు ఆన్‌లైన్‌లో కూడా లభిస్తాయి. ఆహారం తీసుకున్న తర్వాత తీసుకోవడం మంచిది. వీటి వల్ల ఎలాంటి సైడ్ ఎఫెక్టులు ఉండవు. డయాబెటీస్ వంటి వ్యాధులతో బాధపడేవారు కూడా వీటిని వాడొచ్చు.

 ముస్లిం ప్రజలు ఎక్కువగా తీసుకునే ‘కలోంజీ’ అని తెలిసింది. ఇవి నల్ల జీలకర్రలా ఉంటాయి. పాకిస్థాన్ వంటి దేశాల్లో ముస్లింలు కలోంజిని దంచి వాసన చూస్తారు. కొందరు పావు చెంచా ఫౌడర్‌ను నీటిలో కలుపుకుని తాగుతారు. ముస్లింలు ఉపయోగించే యునానీ మందుల్లో దీన్ని ఎక్కువగా ఉపయోగిస్తారు. ఇది కూడా యాంటీ వైరల్‌గా పనిచేస్తుంది. ఎక్కువ వేడి చేస్తుంది.

 ధ్యానంతో భయాన్ని దూరం చేసుకోండి: భయం, ఆందోళన. కరోనా వైరస్ సోకినా, ఆ లక్షణాలు కనిపించినా.. వెంటనే ఐసోలేషన్‌లో ఉంటున్నారు. దీనివల్ల భయం, ఆందోళన పెరుగుతున్నాయి. అత్యధిక రోగాలు భయం వల్లే ముదురుతాయి. అయితే, ఈ పరిస్థితి నుంచి బయటపడేందుకు మందులు, యోగా, వ్యాయామం కంటే ధ్యానం (Meditation) చేయడం  బెటర్.

గమనిక: పైన పేర్కొన్న ఆయుర్వేద ఔషదాలు కరోనాను నివారించవు. కేవలం రోగనిరోధ శక్తిని పెంచుకోడానికి మాత్రమే ఉపయోగపడతాయని నిపుణులు స్పష్టం చేశారు. ఏవైనా అనారోగ్య సమస్యలతో బాధపడుతున్నట్లయితే వైద్యుల సూచనలు తీసుకొనే ఔషదాలు వాడాలి.

Post a Comment

0 Comments