మీ వాహనంపై చలాన్‌ విధించారో లేదో తెలుసుకోవడం ఎలా?

మీ వాహనంపై చలాన్‌ విధించారో లేదో తెలుసుకోవడం ఎలా?

      

ఈ రోజుల్లో విషయాలు ఆన్‌లైన్‌గా మారినందున, నిబంధనలను ఉల్లంఘించిన వారి చలాన్ కెమెరా ద్వారా స్వయంచాలకంగా జారీ అవుతున్నాయి. దాని సమాచారం ఇమెయిల్ ద్వారా వాహన యజమానికి అందుతుంది. మీ వాహనంపై ఎలాంటి చలనాలు ఉన్నాయో కూడా మీరు ఇంట్లోనే ఉండి తెలుసుకోవచ్చు.

ఈ రోజుల్లో టూ వీలర్‌, ఫోర్‌ వీలర్‌ వాహనాలు ప్రతి ఒక్కరు వాడుతున్నారు. రోడ్డుపై డ్రైవింగ్‌కు సంబంధించి ప్రభుత్వం కొన్ని నిబంధనలను రూపొందించింది. వీటిని పాటించడం చాలా ముఖ్యం. కానీ చాలా సార్లు ఎంతో మంది ట్రాఫిక్‌ సిగ్నల్స్‌ వద్ద రెడ్ లైట్ జంప్ చేస్తారు. మరికొందరు హెల్మెట్ ధరించరు. మరి కొందరు కారులో సీట్ బెల్ట్ ధరించరు. దీంతో వారు జరిమానా చెల్లించాల్సి ఉంటుంది. ఈ రోజుల్లో విషయాలు ఆన్‌లైన్‌గా మారినందున, నిబంధనలను ఉల్లంఘించిన వారి చలాన్ కెమెరా ద్వారా స్వయంచాలకంగా జారీ అవుతున్నాయి. దాని సమాచారం ఇమెయిల్ ద్వారా వాహన యజమానికి అందుతుంది. మీ వాహనంపై ఎలాంటి చలనాలు ఉన్నాయో కూడా మీరు ఇంట్లోనే ఉండి తెలుసుకోవచ్చు.

ఇంట్లో కూర్చొని చలాన్‌ని ఎలా తనిఖీ చేయాలి?

మీ వాహనం చలాన్ జారీ అయ్యిందో లేదో తనిఖీ చేయడానికి మీరు ముందుగా అధికారిక పోర్టల్ echallan.parivahan.gov.in ను సందర్శించాలి.ఆ తర్వాత లాగిన్‌ అయిన తర్వాత Index / Accused చలాన్ ఎంపికకు వెళ్లండి.

ఇప్పుడు మీరు మీ వాహనం నంబర్‌ను నమోదు చేయాలి. దీని తర్వాత, వాహనం ఛాసిస్ నంబర్ లేదా ఇంజిన్ నంబర్ నమోదు చేయండి. అయితే, ఈ రెండింటిలో దేనిలోనైనా చివరి 5 అక్షరాలు మాత్రమే పూరించాలి.దీని తర్వాత మీరు క్యాప్చా కోడ్‌ను నమోదు చేసి వివరాలను పొందండిపై క్లిక్ చేయాలి.

ఇలా చేసిన వెంటనే మీ వాహనం వివరాలు స్క్రీన్‌పై ప్రత్యక్షమవుతాయి. మీ చలాన్ ఎక్కడైనా జారీ చేయబడితే దాని వివరాలు కూడా అందులో కనిపిస్తాయి. వివరాలలో PDF కూడా అందుబాటులో ఉంటుంది. దానిపై క్లిక్ చేయడం ద్వారా మీ వాహనం కోసం చలాన్ జారీ చేసిన కారణాన్ని తెలుసుకోవచ్చు. చలాన్ జారీ చేయడానికి కారణం సరైనది కాకపోతే మీరు దానిపై కోర్టులో అప్పీల్ చేయవచ్చు.

చలాన్ చెల్లించడానికి మీరు ఈ పోర్టల్ నుండి చెల్లింపు ఎంపికపై క్లిక్ చేయడం ద్వారా ఆన్‌లైన్‌లో సెటిల్ చేసుకోవచ్చు.

ఈ పద్దతే కాకుండా మరో విధంగా కూడా చలాన్‌ పడిందా? లేదా అనేవ విషయం తెలుసుకోవచ్చు. తెలంగాణ అయితే https://echallan.tspolice.gov.in/publicview/ ఏపీ అయితే https://echallan.parivahan.gov.in/index/accused-challan వెబ్‌సైట్‌ను కూడా ఓపెన్‌ చేసి తెలుసుకోవచ్చు. అక్కడ మీ వాహనం నంబర్‌ ఇచ్చి క్యాప్చర్‌ కోడ్‌ను ఎంటర్‌ చేస్తే వివరాలు కనిపిస్తాయి.