వైశాఖమాసము ఎందుకు అత్యంత శ్రేష్ఠము?

వైశాఖమాసము శ్రీమహావిష్ణువునకు అత్యంత ప్రీతిపాత్రమైనది. ఈ మాసములో చేసిన స్నానం, పూజ, దానం పాపములను నశింపజేసి విష్ణులోక ప్రాప్తిని కలిగించును.

వైశాఖమాసంలో స్నానం చేయుట వల్ల ఏమి ఫలితం?

వైశాఖమాసంలో సూర్యోదయానికి ముందు నదీ స్నానం చేయుట వలన పాప విమోచనం కలుగును. అశ్వమేధ యాగ ఫలము సమానమైన పుణ్యం లభించును.

ఈ మాసములో స్నానం, దానం, జపం, పూజ, విష్ణు ఆరాధన చేయవలెను. ఇవి మహా పుణ్యాన్ని ప్రసాదించును.

స్నానం చేయలేని వారు దృఢ సంకల్పంతో వైశాఖ స్నానాన్ని భావించినా, వారు కూడా పుణ్య ఫలితాన్ని పొందుదురు.

విష్ణుప్రియమైన మాసము కావున వైశాఖమాసాన్ని మాధవమాసము అని పిలుస్తారు.

నారాయణం నమస్కృత్య నరం చైవ నరోత్తమం |

దేవీం సరస్వతీం వ్యాసం తతో జయ ముదీరయేత్ ||

సూతమహర్షి శౌనకాది మహర్షులనుద్దేశించి యిట్లు పలికెను.

మహర్షులారా! వినుడు. రాజర్షియగు అంబరీషుడు బ్రహ్మ మానసపుత్రుడగు నారదుని జూచి నమస్కరించి యిట్లు అడిగెను —

మహర్షీ! మీరు అన్ని మాసముల మహత్త్వమును వివరించిరి.

అన్ని మాసముల యందును వైశాఖ మాసము మిక్కిలి ఉత్తమమైనది.

శ్రీమహావిష్ణువునకు మిక్కిలి ప్రీతిపాత్రమైనదని చెప్పినారు.

ఈ విషయములన్నియు వివరింపగోరుచున్నాను.

నారదుడు యిట్లు పలికెను — రాజర్షీ అంబరీషా! వినుము.

పూర్వమొకప్పుడు నేను బ్రహ్మదేవుని మాసముల మహిమను అడిగితిని.

బ్రహ్మదేవుడు యిట్లు చెప్పెను —

“నారదా! శ్రీమహావిష్ణువు లక్ష్మీదేవికి మాసధర్మములను చెప్పుచుండగా విన్నాను. ఇప్పుడు నీకు అదే వివరిస్తాను.

మాసములలో కార్తికము, మాఘము, వైశాఖము ఉత్తమములు. వాటిలో వైశాఖమాసము అత్యుత్తమము.

ఈ విధముగా ధర్మములకు కారణమగు మాసములలో వైశాఖమాసము ఉత్తమమైనది.

విష్ణుప్రియమగుటచేత దీనిని మాధవమాసము అని కూడా అంటారు.

స్నానము చేయలేని వారు సంకల్పము మాత్రముచేత కూడా పుణ్యము పొందుదురు.

వైశాఖమున సూర్యోదయమునకు ముందు నదీ స్నానం చేయుట అత్యంత శ్రేష్ఠము.

సూర్యోదయం నుండి ఆరు ఘడియల వరకు తీర్థదేవతలు జలములలో నివసించుదురు.

ఆ సమయంలో స్నానం చేసినవారికి పాప విమోచనం కలుగును.