శ్రీ వేంకటేశాష్టకమ్

 శ్రీ వేంకటేశాష్టకమ్

శేషాద్రివాసం శరదిందుహాసం 

శృంగారమూర్తిం శుభదానకీర్తిమ్!

 శ్రీ శ్రీనివాసం శివదేవ సేవ్యం 

శ్రీ వేంకటేశం శిరసా నమామి!!

సప్తాద్రి దేవం సురారాజ సేవ్యం

సంతాప నాశం సువిలాస కోశమ్!

సప్తాశ్వ భాసం సుమనోజ్ఞ భూషం 

శ్రీ వేంకటేశం శిరసా నమామి!!

భూలోక పుణ్యం భువనైక గణ్యం 

భోగీంద్ర చక్రం భవరోగ వైద్యమ్ | 

భాస్వత్కిరీటం బహు భాగ్యవంతం 

శ్రీ వేంకటేశం శిరసా నమామి 

లోకాంత రంగం లయకార మిత్రం 

లక్ష్మీకళత్రం లలితాబ్ద నేత్రమ్ | 

శ్రీ విష్ణు దేవం సుజనైక గమ్యం 

శ్రీ వేంకటేశం శిరసా నమామి || 

వీరాధి వీరం విమగాది రూఢం 

వేదాంత వేద్యం విబుధాళి వంద్యమ్ !

వాగీశ మూలం వరపుష్పమాలిం 

శ్రీ వేంకటేశం శిరసా నమామి || 

సంగ్రామ భీమం సుజనాభి రామం 

సంకల్ప పూరం సమతా ప్రచారమ్!

సర్వత్ర సంస్థం సకలాగమస్థం 

శ్రీ వేంకటేశం శిరసా నమామి!! 

శ్రీచూర్ణఫాలం సుగుణాలవాలం 

శ్రీ పుత్రితాతం శుకముఖ్య గీతమ్!

శ్రీ సుందరీశం శిశిరాంత రంగం 

శ్రీ వేంకటేశం శిరసా నమామి!!

సంమోహ దూరం సుసుఖ ప్రసారం 

దాక్షిణ్యభావం దరహాస శోభమ్! 

రాజాధి రాజం రమయా విహారం 

శ్రీ వేంకటేశం శిరసా నమామి!!

విద్యారణ్య యతీశాన - విశ్వగురు యశస్వినా!

శ్రీ వేంకటేశరమ్యాష్ట - కమరం పరికీర్తితమ్ ||

శ్రీ వేంకటేశస్య దయాపరస్య స్తోత్రంచ దివ్యం సుజనాళి భావ్యం!

సంసారతారం సుసుఖాలవాలం పఠంతు నిత్యం విబుధాశ్చ సత్యమ్!!