వక్రాసనము

 వక్రాసనము

• వక్ర : వంకరగా, ఈ ఆసనం చివరి భంగిమలో శరీరం మెలితిరిగి వంకరగా వుంటుంది.

వక్రాసనం చేయు విధానం:

• కాళ్లు చాచి, రెండు మడమలూ కలిపి ఉంచి, చేతులు రెండు వైపులా నేలపై ఉంచి కూర్చోవాలి.

• కుడికాలు వంచి కుడిపాదాన్ని ఎడమ మోకాలి పక్కన ఉంచాలి.

• శరీరాన్ని కుడివైపు తిప్పి, ఎడమచేతిని కుడి మోకాలి పైనుంచి తీసుకు వచ్చి కుడిమోకాలి బొటనవ్రేలు పట్టుకోవాలి. 

• కుడిచేతిని వీపు వెనుక ఉంచి, అరచేతిని నేలకు అదిమి ఉంచాలి. కుడివైపు చూస్తూ ఉండాలి. 

• ఎడమ చేయిని వదిలివేసి మామూలుగా శరీరానికి ఎడమవైపు ఉంచాలి.

• కుడికాలిని మామూలుగా తీసుకుని మామూలు “స్థితి”కి రావాలి.

శారీరక లాభాలు:

• వెన్నుకు గట్టి తనము, శక్తి కలిగిస్తుంది. కాలేయానికీ, చిన్న ప్రేవులకూ, జీర్ణగ్రంథులకూ మంచి శక్తి నిస్తుంది.

ఆరోగ్య లాభాలు:

• మలబద్ధకం షుగరు వ్యాధి, మూత్రపిండాల వ్యాధి, కాలేయానికి సంబంధించిన జబ్బులూ నడము కండరాల నొప్పి, తుంటి కీళ్ల నొప్పులూ అన్నీ పోతాయి.

ఆధ్యాత్మిక లాభాలు:

• బద్ధకం వదలి ఉత్సాహం వస్తుంది. 

జాగ్రత్తలు:

• హెర్నియా ఉన్నవారు ఈ ఆసనం వేయకూడదు.

ముఖ్యాంశాలు:

• చివరి భంగమలో నడుము పైభాగం తిన్నగా ఉండాలి.

శ్వాస:

• కిందకు వంగే ప్రతీమారు ప్రక్కకు తిరిగేటప్పుడు, గాలి వెలుపలికి విడవాలి.

•  పైకి లేచే ప్రతిసారి గాలి పీల్చాలి. 

• చివరి భంగిమలో సాధారణముగా గాలిని పీల్చాలి.

గమనిక:

• ఏదైనా ఆసనాన్ని ఖాళీ కడుపుతో  అభ్యసించడం ఉత్తమం

• ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. 

• ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు

• యోగా నిపుణుడి శిక్షణలో ఈ ఆసనాన్ని చేయడం ఎల్లపుడూ మంచిది.