మీకు ఫోన్‌ చేసింది ఎవరో తెలుసుకోవాలంటే ఇక ట్రూ కాలర్‌తో పనిలేదు !

మీకు ఫోన్‌ చేసింది ఎవరో తెలుసుకోవాలంటే ఇక ట్రూ కాలర్‌తో పనిలేదు !

ఇటీవలి కాలంలో స్పామ్ కాల్స్ పెరిగిపోవడంతో ఫోన్ చేసేది ఎవరో తెలుసుకునేందుకు ట్రూకాలర్’ లాంటి యాప్స్‌ను డౌన్‌లోడ్ చేసుకుంటున్నారు. అయితే, ఇకపై ఆ బాధ తప్పినట్టే. యాప్స్‌తో సంబంధం లేకుండానే ఫోన్ చేసేది ఎవరో ఇకపై స్క్రీన్‌పై డిస్‌ప్లే అవుతుంది. ఇందుకు సంబంధించి టెలికం ఆపరేటర్లకు టెలికం రెగ్యులేటరీ అథారిటీ చేసిన ప్రతిపాదనలు త్వరలోనే అమలులోనికి రానున్నాయి. డిపార్ట్‌మెంట్ ఆఫ్ టెలికమ్యూనికేషన్స్ రెండేళ్ల క్రితం చేసిన ఈ ప్రతిపాదన కార్యరూపం దాల్చనుంది. ఇప్పుడు దీనిని తప్పనిసరి చేసింది. వినియోగదారుల అభ్యర్థన మేరకు సప్లిమెంటరీ సర్వీస్‌గా అన్ని టెల్కోలు ‘కాలింగ్ నేమ్ ప్రెజెంటేషన్ CNAPని అందించాలని ట్రాయ్ తన చివరి సిఫార్సుల సెట్‌లో ప్రతిపాదించింది. అయితే, ఈ సర్వీసులు ఇండియాలో డిఫాల్ట్‌గా అందుబాటులోకి రానున్నాయి. సిమ్‌కార్డు తీసుకున్నప్పుడు నమోదు చేసుకున్న పేరు కాల్ చేసేటప్పుడు స్క్రీన్‌పై డిస్‌ప్లే అవుతుంది. యూజర్ అభ్యర్థనపై మాత్రమే ఈ ఫీచర్ పనిచేస్తుంది.